રાજસ્થાન રોયલ્સના ક્રિકેટર વૈભવ સૂર્યવંશીએ 2026ના IPL એલિમિનેટરમાં રનનો વરસાદ કર્યો હતો. તેણે ફક્ત 29 બોલમાં 97 રન બનાવ્યા હતા. તેની ઇનિંગ દરમિયાન 12 છગ્ગા ફટકાર્યા હતા. તેની ઇનિંગ દરમિયાન તેણે વેસ્ટ ઇન્ડીઝના દિગ્ગજ બેટ્સમેન ક્રિસ ગેઇલનો IPL સિઝનમાં સૌથી વધુ છગ્ગા મારવાનો રેકોર્ડ તોડ્યો હતો.
વૈભવ સૂર્યવંશીને કેવી રીતે રોકવો?
વૈભવ સૂર્યવંશી નિર્ભયતાથી બેટિંગ કરી રહ્યો હોય ત્યારે કોઈ બોલર તેને રોકી શકતો નથી. આઇસલેન્ડ ક્રિકેટ બોર્ડે સોશિયલ મીડિયા પોસ્ટમાં વૈભવને કેવી રીતે રોકવો તે રમૂજી રીતે સમજાવ્યું. તેઓએ લખ્યું હતું કે “અમે જાણીએ છીએ કે વૈભવ સૂર્યવંશીને કેવી રીતે રોકવું, અને અમારી લાવા જેવી ઉછાળવાળી પીચો તેને રોકવાનો સારો માર્ગ છે.”
બોર્ડે ટ્વિટ કર્યું હતું કે “અમે એ પણ ઉમેરવા માંગીએ છીએ કે અમારા 200-મીટર લાંબા લાવા બાઉન્ડ્રી ફિલ્ડ પણ થોડી મદદ કરશે!”
વૈભવે ઓરેન્જ કેપ પણ જીતી
આ વિસ્ફોટક ઇનિંગ સાથે, વૈભવ સૂર્યવંશીએ ઓરેન્જ કેપ પણ જીતી લીધી છે. તેણે સાઈ સુદર્શનના શાસનનો અંત લાવ્યો હતો. IPL 2026 માં રમાયેલી 15 મેચોમાં વૈભવે 45 ની સરેરાશ અને 242 ના સ્ટ્રાઇક રેટથી 680 રન બનાવ્યા છે. તેણે એક સદી અને ચાર અડધી સદી ફટકારી છે, જેમાં 90 થી વધુની બે ઇનિંગનો સમાવેશ થાય છે. સાઈ સુદર્શન, જેણે 652 રન બનાવ્યા છે, તે ઓરેન્જ કેપની રેસમાં બીજા ક્રમે છે.
વૈભવે ક્રિસ ગેલનો રેકોર્ડ તોડ્યો
ક્રિસ ગેલે એક જ IPL સીઝનમાં સૌથી વધુ 59 છગ્ગા ફટકાર્યા છે. વૈભવ સૂર્યવંશીએ હવે 65 છગ્ગા ફટકાર્યા છે, જે T20 ટુર્નામેન્ટમાં સૌથી વધુ છગ્ગા મારવાનો રેકોર્ડ પણ છે. તે ઓછામાં ઓછી એક અને વધુમાં વધુ બે મેચ રમશે. વૈભવ તેના રેકોર્ડને વધુ સુધારવાનો પ્રયાસ કરશે.
આઈપીએલની સિઝનમાં 600+ રન બનાવનાર સૌથી યુવા ખેલાડી
વૈભવ સૂર્યવંશીએ આઈપીએલ 2026માં પોતાના 600 રન પૂરા કર્યા છે. તે આઇપીએલના ઇતિહાસમાં એક સિઝનમાં 600થી વધુ રન ફટકારનારો સૌથી યુવા બેટ્સમેન બન્યો છે. તેણે ઋષભ પંતને પાછળ છોડી દીધો છે, જેણે 2018 માં આ સિદ્ધિ મેળવી હતી. વૈભવ આ સિઝનમાં 36 બોલમાં સદી ફટકારી ચૂક્યો છે.
About The Author
