ગુજરાતની 4 રાજ્યસભા બેઠકો માટે ચૂંટણી જાહેર થઈ છે. કેન્દ્રીય ચૂંટણી પંચ દ્વારા 10 રાજ્યોની 24 બેઠકો માટે દ્વિવાર્ષિક ચૂંટણીનો કાર્યક્રમ જાહેર કરાયો છે. આગામી 21 જૂન, 2026ના રોજ ગુજરાતના 4 સાંસદોનો કાર્યકાળ પૂર્ણ થઈ રહ્યો છે. આ ધારાસભ્યોની વાત કરીએ તો રામભાઈ મોકરીયા, નરહરી અમીન, શક્તિસિંહ ગોહિલ અને રમીલાબેન બારા નિવૃત્ત થતાં બેઠકો ખાલી પડશે.1લી જૂને જાહેરનામું બહાર પડશે અને ફોર્મ ભરવાની છેલ્લી તારીખ 8મી જૂન નક્કી કરાઈ છે. 18મી જૂને સવારે 9 થી સાંજના 4 વાગ્યા સુધી મતદાન અને તે જ દિવસે સાંજે 5 વાગ્યે મતગણતરી થશે.
ચૂંટણી પંચ દ્વારા જારી કરાયેલ નોટિફિકેશન મુજબ, રાજ્યસભાના 24 સભ્યો માટે ચૂંટણી યોજાશે જેમનો કાર્યકાળ જૂન અને જુલાઈ 2026માં પુરો થાય છે. આ ચૂંટણીઓ માટે ઉમેદવારો 8 જૂન સુધી ઉમેદવારી નોંધાવી શકે છે, જ્યારે ફોર્મની ચકાસણી 9 જૂને થશે. ઉમેદવારી પાછી ખેંચવાની છેલ્લી તારીખ 11 જૂન નક્કી કરવામાં આવી છે.
રાજ્યવાર અલગ-અલગ 24 બેઠકોની યાદી
આંધ્ર પ્રદેશ (4 બેઠકો)
અયોધ્યા રામી રેડ્ડી અલ્લા
પરિમલ નથવાણી
પિલ્લી સુભાષચંદ્ર બોઝ
સાના સતીશ બાબુ
ગુજરાત (4 બેઠકો)
રામભાઈ હરજીભાઈ મોકરિયા
નરહરી અમીન
ગોહિલ શક્તિસિંહજી હરિચંદ્રસિંહજી
રમિલા બેચરભાઈ બારા
ઝારખંડ (2 બેઠકો)
દીપક પ્રકાશ
શિબુ સોરેન (બેઠક ખાલી)
મધ્ય પ્રદેશ (3 બેઠકો)
જ્યોર્જ કુરિયન
દિગ્વિજય સિંહ
સુમેર સિંહ સોલંકી
મણિપુર (1 બેઠક)
મહારાજા સનાજાઓબા લિશેમ્બા
મેઘાલય (1 બેઠક)
વાનવેઇરોય ખારલુખી
રાજસ્થાન (3 બેઠકો)
નીરજ ડાંગી
રાજેન્દ્ર ગહલોત
રવનીત સિંહ
અરુણાચલ પ્રદેશ (1 બેઠક)
નાબામ રેબિયા
કર્ણાટક (4 બેઠકો)
નારાયણા કોરગપ્પા
ઇરન્ના કડાડી
એચ.ડી. દેવગૌડા
મલ્લિકાર્જુન ખડગે
મિઝોરમ (1 બેઠક)
કે. વનલાલવેના
About The Author
