ગુજરાતમાં દરિયાઈ માર્ગે ડ્રગ્સ ઘુસાડવા માટે ડ્રગ્સ માફિયાઓ અનેક તિકડમ અજમાવતા હોય છે. જોકે, ગુજરાત સુરક્ષા એજન્સીઓ પોતાની ચાલાકીથી ડ્રગ્સ માફિયાઓના મનસુબા ઉપર પાણી ફેરી દે છે. ગુજરાતમાં છાસવારે સુરક્ષા એજન્સીઓ મોટી માત્રામાં ડ્રગ્સ પકડી રહી છે. ત્યારે વધુ એક ડ્રગ્સનો જથ્થો ગુજરાતના દરિયા કાંઠેથી ઝડપાયો છે.
મળતી માહિતી પ્રમાણે ગુજરાત એટીએસ અને કોસ્ટગાર્ડના સંયુક્ત ઓપરેશનમાં ડ્રગ્ય ઘુસાડવાના પ્રયત્નને નિષ્ફળ બનાવ્યો હતો. મુંદ્રા તરપથી આવી રહેલા યુરોપ નામના કાર્ગોશીપમાં કોકેઈનનો મોટો જથ્થો ઝડપી પાડ્યો હતો. ATSએ કોકેઈન લાવી રહેલા એક અને દિલ્હીમાં જે ડિલિવરી લેવાના હતા તે બે શખસો મળીને કૂલ 3ને ઝડપી પાડ્યા છે. જ્યારે એક શખસ દરિયામાં કૂદી જતા તેની શોધખોળ હાથ ધરવામાં આવી છે.
આ અંગે વધુ મળતી માહિતી પ્રમાણે ગુજરાત ATS અને કોસ્ટગાર્ડે કચ્છના દરિયામાં સંયુક્ત ઓપરેશન હાથ ધરી મુંદ્રા તરફ આવી રહેલી ‘યુરોપ’નામના કાર્ગોશીપમાંથી 118 કિલો કોકેઈનનો જથ્થો ઝડપી પાડવામાં આવ્યો છે. જેની બજાર કિંમત અંદાજિત 1180 કરોડ રૂપિયા થવા જાય છે.
ATSએ જ્યારે શીપ પર તપાસ કરી ત્યારે કોકેઈનના જથ્થા સાથે બે લોકો હતા. જેમાંથી જુમ્મા નાસીર ઓમાર નામનો એક આરોપી ઝડપાઈ ચૂક્યો છે. જ્યારે એક વ્યકિત દરિયામાં કૂદી જતા તેની શોધખોળ કરવામાં આવી રહી છે.
કોકેઈનનો આ જથ્થો દિલ્હીના દ્વારકામાં રહેતા વિદેશી નાગરિકોને આપવાનો હોવાની વિગત સામે આવતા ATSએ દિલ્હીમાં રહેતા ક્લેવિન ચુકવામા અને બ્યારુહંગા જેમ્સને પણ ઝડપી પાડ્યા છે.
આરોપીઓ પાસે ડ્રગ્સના કૂલ 6 પેક હતા જેમાંથી 5 મળી આવ્યા છે. જેથી એક પેક દરિયામાં ફેંકી દીધું હોવાની આશંકા હોય તેની પણ શોધખોળ કરવામાં આવી રહી છે. આરોપીઓ પાસેથી એક સેટેલાઈટ ફોન અને એક એપલનું ટેબ પણ કબજે કરવામાં આવ્યું છે.
About The Author
