આજે મંગળવાર, 26 મે 2026ના રોજ ગુજરાતની એક પછી એક મહાનગરપાલિકાઓના હોદ્દેદારોના નામની જાહેરાત કરવામાં આવી છે. જેમાં અમદાવાદ અને નવસારી મ્યુનિસિપલ કોર્પોરેશના મેયર અને ડેપ્યુટી મેયરના નામની જાહેરાત કરવામાં આવી છે. અમદાવાદ શહેરના મેયર તરીકે હિતેશ બારોટ અને ડેપ્યુટી મેયર તરીકે અંજુ શાહની પસંદગી કરવામાં આવી છે.
મળતી માહિતી પ્રમાણે અમદાવાદ મહાનગરપાલિકાના હોદ્દેદારોની જાહેરાત કરવામાં આવી છે. ત્યારે અમદાવાદના પ્રથમ નાગરિક તરીકે થલતેજ વોર્ડના કોર્પોરેટર હિતેશ બારોટની વરણી કરવામાં આવી છે. ડેપ્યુટી મેયર તરીકે સાબરમતી વોર્ડના અંજુ શાહની પસંદગી કરવામાં આવી છે.
આ ઉપરાંત સ્ટેન્ડિંગ કમિટીના ચેરમેન તરીકે ખોખરા વોર્ડના કોર્પોરેટર કમલેશ પટેલના નામની જાહેરાત કરાઈ છે. અને ભાજપના શાસક પક્ષના નેતા તરીકે શાહીબાગ વોર્ડના જશુભાઈ ઠાકોર અને દંડક તરીકે ચાંદખેડા વોર્ડના અતુલ મિશ્રાની નિમણૂક કરવામાં આવી છે.
નવસારીના હોદ્દેદારોની પસંદગી
વધુ મળતી માહિતી પ્રમાણે નવસારી મહાનગરપાલિકામાં પ્રથમ મેયર તરીકે વોર્ડ નંબર 2ના અશોક ધોરાજીયાની પસંદગી કરવામાં આવી છે. ડેપ્યુટી મેયર તરીકે કેયુરી દેસાઈ જ્યારે સ્ટેન્ડિંગ કમિટી ચેરમેન તરીકે મુકેશ અગ્રવાલ, શાસક પક્ષના નેતા તરીકે નરેશ પુરોહિત આ ઉપરાંત દંડક તરીકે રાકેશ પટેલ ના નામ જાહેર કરાયા છે.
About The Author
